ખપતી નથી
ખપતી નથી
હવે સ્વતંત્રતા પછીની ગુલામી ખપતી નથી.
અધિકારીઓને ભરવાની સલામી ખપતી નથી.
માનસિકતા હજુએ આપણી યથાવત રહી,
રજવાડાંના વહેમની રહી ખામી ખપતી નથી.
સત્તા મળતાં "વાહવાહી"ને કરતા એ મનમાની,
સ્વમાન ભંગે થનારી બદનામી ખપતી નથી.
મોટો જીવ નાનાને ગળતો હજુએ અકબંધ છે,
આઝાદી છે તોય ગુલામી શાની ખપતી નથી.
ક્યારે બદલશે આ વૃત્તિ સત્તાધારીની દેશમાં,
જોહૂકમીથી જીવાતી જિંદગાની ખપતી નથી.