ખેલાય જંગ
ખેલાય જંગ
જન્મદિવસની ઉજવણી આપણે કરતાં ઉમંગ સંગ;
બિચારા ગરીબના ખોરડાંમાં અંધકારનો ખેલાય જંગ...!
મમ્મી પપ્પા પાસે આપણે મંગાવીએ મોંઘાં મોંઘા ટોય;
કૂડા કચરાનાં ઢગમાં બાળમજૂરી કરતાં ખૂણે બેસી રોય..!
મોટી મોટી કેક કાપી ખાવાં કરતાં લપેટી દઈએ જો અંગ;
એઠી જૂઠી ડિશોમાં મોંને મારી મારી કરતાં જીભને તંગ...!
અઢળક કપડાં વસાવીને પણ કરતાં રહેતાં નવી નવી માંગ;
ગરીબના તન પર ચીંથરેહાલ બનેલાં કાળા જામેલ દાગ...!
પૈસાનો ધુમાડો કરતાં તવગંરનાં શોખનો અસંતોષ હા ખોટો;
બિચારા લાચાર જીવનાં જન્મદિન વચ્ચે તો મસ મોટો કાંટો...!