કેવો હશે ?
કેવો હશે ?
સૃષ્ટિનું સર્જન કરે એ સર્જનહાર કેવો હશે ?
બ્રહ્માંડની રચના કરે એ રચનાકાર કેવો હશે ?
અણુંઅણુંમાં વ્યાપ્ત એ સર્જનહાર કેવો હશે ?
ગ્રહોને ગતિ આપનાર રચનાકાર કેવો હશે ?
પંચ તત્વોનું સર્જનકરનાર સર્જનહાર કેવો હશે ?
પંચતત્વમાં પ્રાણ પૂરનાર રચનાકાર કેવો હશે ?
માનવનું સર્જન કરી શ્વાસનો પૂરનાર કેવો હશે ?
વિવિધ જીવસૃષ્ટિનો રચનાકાર કેવો હશે ?
કણ-કણમાં વ્યાપ્ત બની વિચરનાર કેવો હશે ?
કર્મનાં હિસાબે ન્યાય આપનાર કેવો હશે ?
કરી સર્જન પછી અંતરધ્યાન થનાર કેવો હશે ?
શોધે માનવ તોય ક્યાં જડે સંતાયો કેવો હશે ?
નામ આપ્યાં અનેક આપણે "તત્વ" એ કેવું હશે ?
થાકી હારી બેઠી હું મુજમાં વ્યાપ્ત કેવો હશે ?