કેમ લખી શકું

તારી સાથે વિતાવેલી ક્ષણ ને હું કેમ લખી શકું !

હૈયાને તડપાવતા તારા સ્મરણને હું કેમ લખી શકું !

તને યાદ કરતા કરતા ભૂલી જાઉં છું મારી જાતને પણ !

આ હૈયે ઉદભવતા ઘમસાણ ને હું કેમ લખી શકું !

આ દિલ તારી યાદોમાં પાગલ થયું,

આ દિલ અને દિમાગ વચ્ચેના ઘર્ષણને હું કેમ લખી શકું !

રાત દિવસ છંછેડે તારી યાદો મારા દિલને,

મારા દિલની મથામણ ને હું કેમ લખી શકું !

પાગલ કરે છે મને તારું આ અદભુત રૂપ,

તારી પ્રત્યેના મારા આકર્ષણ ને હું કેમ લખી શકું !