કેમ આપણે ભૂલી ગયા
કેમ આપણે ભૂલી ગયા
સંબંધોની સાંકળને કેમ આપણે ભૂલી ગયા ?
કેમ એકબીજાથી નાતો તોડી ગયા,
આપણી તો છે લોહીની સગાઈ,
આપણે કેમ ભાઈ ભાઈનો નાતો ભૂલી ગયા ?
આપણે તો એક જ માંના સંતાનો,
કેમ માંની મમતાને ભૂલી ગયા ?
એક જ ઘરમાં મોટા થયા,
એક જ થાળીમાં જમ્યા,
એક જ પથારીમાં રાત વિતાવી,
આ દિવસો આપણે કેમ ભૂલી ગયા ?
એક જ ચોકલેટના બે ભાગ કરતા આપણે,
આજે મિલકતના ભાગ કેમ પાડ્યા આપણે ?
મમતાના લહેકાને કેમ ભૂલી ગયા આપણે ?
આપણે તો એકબીજાનાં રક્ષક હતા,
આજે વાણી વિવેક ભૂલ્યા,
કેમ સંસ્કૃતિની સુવાસને આપણે ભૂલી ગયા ?
તારું એ મારું હતું,
મારું એ તારું હતું,
જે હતું એ આપણું સૌનું હતું,
દુઃખ હોય કે સુખ,
આપણું સહિયારું હતું,
પણ આજે મારું તારું કેમ ?
મર્યાદાની મંઝિલને કેમ આપણે ભૂલી ગયા ?
માનવતાના મૂલ્યને કેમ આપણે ભૂલી ગયા ?