કાળાશ

છોલાઈ ગઈ, આ ઘવાઈ ગઈ,

હથેળીઓ જેની ખરડાઈ ગઈ.

હાથો જેના મજૂરી કરતા,

આંગળીઓ કુમળાઈ ગઈ.

ઉઝરડા પડ્યા આ હાથોમાં

'ને માસુમિયત વિખરાઈ ગઈ.

બચપણ જેનું રમવા ઝૂરે,

મજૂરી કરવાની લાચારી.

ઘાવ પડ્યા આ હાથોમાં

'ને વળગી છે મજબૂરી.

રૂંધાઇ ગયી , સંતાઈ ગઈ,

આ માસુમિયત વિસરાઈ ગઈ .

મલમ લાગે જો માનવતાનો,

ઘાવ આ જરા રૂઝાશે.

આગની જ્વાળામાં બળી ગયેલા,

હાથોને રાહત મળશે.

કાળાશ આ હાથોની પોકારે,

કોણ છે જવાબદાર ?

ચુપકીદી ફેલાઈ ગઈ.