જ્ઞાનદીપ
જ્ઞાનદીપ
જ્ઞાન તણી ગંગા
મારે જીલવી રે લોલ
કરવા કાજે
આતમનો ઉદ્ધાર જો
જ્ઞાન તણી ગંગા
મારે જીલવી રે લોલ
ઠાલાં ઠાલાં પોથા
ના ઉથલાવવા રે લોલ
શબ્દે શબ્દે કરવો સાક્ષાત્કાર જો
જ્ઞાન તણી ગંગા
મારે જીલવી રે લોલ
ગુરુ તણાં જ્ઞાનને
પચાવવું રે લોલ
કરતાં રહેવું જ્ઞાન તણી હોડ જો
જ્ઞાન તણી ગંગા
મારે જીલવી રે લોલ
સંસ્કૃત ને સંસ્કૃતિને
પામવા રે લોલ
સુધારીને જીવન વહેવાર જો
જ્ઞાન તણી ગંગા
મારે જીલવી રે લોલ
જ્ઞાન તણો દીપ
જ્યારે જલતો રે લોલ
રેલે અજવાળા ચારેકોર જો
જ્ઞાન તણી ગંગા
મારે જીલવી રે લોલ
જ્ઞાનનાં ભંડાર તો
અભરે ભર્યા રે લોલ
છલકવું ના પામી ઝીણી ધાર જો
જ્ઞાન તણી ગંગા
મારે જીલવી રે લોલ
ઝીલતાં ન થાકે
નંદી જીવડો રે લોલ
એની કેડી થકી પામે તું પગથાર જો
જ્ઞાન તણી ગંગા
મારે જીલવી રે લોલ