જન્મદિવસ

જન્મદિન આયો, જન્મદિન આયો

વહુરાણીનો જન્મદિન આયો રે,

મારી રાજરાણી સમ વહુરાણીનો

જન્મદિન આયો, જન્મદિન આયો.

વહેંચી મેં તો સવાશેર સાકર,

મંગાવી મેં તો સૂતરફેણી આજ.

બોલાવ્યા મેં તો સોનીડાને આજ

આવ્યા હરખાતા પિયરિયાં આજ.

મેં તો તેડાવ્યાં બાળસખીઓને,

મારી વહુરાજરાણી શરમાઈ જોને.

મેં તો બોલાવ્યાં બાંધણી વેપારીને,

ને મારી રાજરાણી હરખાણી બહુ.

મારો રાજકુંવર હરખાતો બહુ,

લાવ્યો પટોળાં ને હીરાની સેર જો

મે તો પ્રેમથી વધાવી રાજરાણી જો

હૈયે હરખ ન માય મારી વહુરાણીને.