જીવન ઉત્સવ

ભૂલી જવી છે જોઈએ એ વાત યાદ છે

બસ એટલે જ તો આપણી વચ્ચે વિવાદ છે,

છે શું આપણી પાત્રતા એવી કે ?

યોગ્યતા, ક્ષમતા ને પડકારીયે,

મૂલ્ય મારું ને તારૂં આપણે ન જાણીએ

ને તોલીને માપદંડમાં એકમેક ને,

પ્રિય - અપ્રિયતા ને બાજુ પર મૂકીને

ચાલને દોસ્ત, સાથ નિભાવી જગને જીતીએ

હું એ માણસ તું એ માણસ, સમજીએ એકમેક ને

સંબંધની ગાગરને લાગણીથી છલકાવીને

નથી કશું તારું કે નથી કશું મારુ એ 

જાણીએ છીએ આપણે બન્ને બખૂબી જે

ચાલને મીટાવી અહંકાર અંતર મને

અલખ નિરંજન બની જીવન ઉત્સવ ઊજવીએ.