જીવન જીવીએ
જીવન જીવીએ
જે જીવ્યા તે નકામું સઘળું,
એનાથી નહીં જીવન ઉજળું,
નવેસરથી જીવનને આજ જીવીએ !
ચરણ સ્પર્શ માતાપિતાના કરીએ,
ઈશ્વરનો હ્દયમાં વાસ કરીએ,
નવેસરથી જીવનને આજ જીવીએ !
સત્યનું સદા આચરણ કરીએ,
જુઠ ત્યજી ખુશીથી જિંદગી જીવીએ,
નવેસરથી જીવનને આજ જીવીએ !
વડિલોની આજ્ઞા પાલનમાં રહીએ,
પ્રકૃતિ સંગ સંબંધ મજાના રાખીએ,
નવેસરથી જીવનને આજ જીવીએ !
વૃક્ષો ઉછેરની શરૂઆત કરીએ,
ખોટા ખર્ચાને સસ્નેહ વિદાય દઈએ ,
નવેસરથી જીવનને આજ જીવીએ !
તહેવારની ઉજવણી સાચી દિશામાં કરીએ,
દેખાદેખી આંધળું અનુકરણ છોડીએ,
નવેસરથી જીવનને આજ જીવીએ !