જીવન એક સંગ્રામ છે
જીવન એક સંગ્રામ છે
આમ તો જીવન એક સંગ્રામ છે,
પ્રયાસો કરવાનું આપણું કામ છે,
કરે જે સતત મહેનત સફળતા માટે,
છેવટે તો એનું જ જગમાં નામ છે,
પરિશ્રમ એ જ આખરે પારસમણિ છે,
એની ચર્ચા તો જગમાં ખુલ્લેઆમ છે,
જીવન સંગ્રામમાં એ જ જીતી શકે,
જેના હૈયે અપાર, અદ્ભૂત હામ છે,
જવલંત વિજયનો એ અધિકારી છે,
જેને રાખી પોતાના મન પર લગામ છે,
આખરે તો પ્રયાસ કરનારો જીતી જાય,
જીવનમાં પરિશ્રમના ખૂબ ઊંચા દામ છે,
નામ કમાવ્યું જેણે અથાગ મહેનત થકી,
જગમાં એને કરે છે સૌ સો સો સલામ છે,
પથ્થરમાંથી ઘડાય જે પ્રતિમા બને છે,
આખરે તો એને જ કરે સૌ પ્રણામ છે,
આમ તો જીવન એક અદ્ભૂત સંગ્રામ છે,
જીત મળે કે હાર, મહેનત આપણું કામ છે.