ઝરણું

કેળવી છે આ આદત હવે ભૂલવાની,

હું મારા જ ચહેરે અજાણ્યો બન્યો છું..

નથી રાખ્યા પહેરા હવે મહેફિલો પર,

મારી જ ચર્ચાથી હું બહેરો બન્યો છું.

રખે માનશો, સઘળી ખારાશ છે અહીં,

આ સહરા ના હૈયે હું ઝરણું થયો છું.

કદી અમથી ડોરબેલ વગાડી તો જો જો..

ઘર છે એ મારું ને હું મહેમાન થયો છું.

દોસ્તો છે પણ જરા એ અતડા રહે છે.

તો, હવે હું જ મારો સહારો થયો છું.

હા, કદી હાથ હાથોમાં લઈને ફર્યા:તા...

હવે એ ખયાલોથી અળગો થયો છું.

વળી, અહીંની દુનિયા દુષ્કર ઘણી છે,

તો આ અંગાર મધ્યે હું રસ્તો થયો છું.

મળે છે આમંત્રણ આમ તો ઘણા એમના..

જ્યારે જ્યારે એમનો કદરદાન થયો છું.

કેળવી છે આ આદત હવે ભૂલવાની,

હું મારા જ ચહેરે અજાણ્યો બન્યો છું.