જાણે ટહુકામય લાગે આખો સંસાર

ખુશ થઈ ગયો આજે તારણહાર,

આપી એને ખુશીઓ આજે અપાર,

આંબે ટહુકે કોયલ, બાગે ગાય બુલબુલ,

જાણે ટહુકામય લાગે આજે આખો સંસાર,

આભેથી ઝરમર વરસે આ મસ્ત મેહુલો,

જાણે ધરતીએ કર્યો સોળે શણગાર,

મનમોહક મનભાવન ધરતીનું રૂપ જોઈ,

આ માનવીએ લીધો તૃપ્તિનો ઓડકાર,

ફૂલો મહેકે, ભમરા કરી રહ્યા છે ગુંજન,

જાણે ધરતીનું રૂપ ખીલ્યું છે જોરદાર,

આભે ચાંદો ચડ્યો, તારાઓ બન્યા બારાતી,

જાણે ધરતી દુલ્હન અને દુલ્હો છે અંબર !