જાંબુભાઈ હરખાયા

ચોમાસાની ઋતુ આવી

જાંબુભાઈ બહું હરખાયા

ચોમાસાભાઈ આવ્યાં

વરસાદને સંગાથે લાવ્યાં,

ઝાડ પર વાદળી વાદળી

જાંબુ લટક્યા છે લૂમેઝૂમે 

પવન સાથે વાતુ કરતા

પાંદડાને એતો ધીરેથી ચૂમે

જાંબુ તો પોતાને જોઈ

મનમાંને મનમાં મલકાયા

ચોમાસાની ૠતુ આવી

જાંબુભાઈ બહું હરખાયા,

બાળકો સૌ પથ્થરા મારે

તોય જાંબુભાઈ ના ખીજાય

બાળકોને જાંબુ ખાતા જોઈ

જાંબુ આનંદમાં આવી જાય

જાંબુભાઈ ધીરેથી પૂછતાં

તમને મારા જાંબુ તો ભાવ્યા

ચોમાસાની ૠતુ આવી

જાંબુભાઈ બહું હરખાયા.