ઇશ આભાર
ઇશ આભાર
આપી નૂતન જેણે સવાર, ઇશ આભાર તારો,
પૂર્વે ઉષા તણો શણગાર, ઇશ આભાર તારો.
રવિકિરણો નભને ઊજાળે; રજનીને પાછી વાળે,
થાય નૂતન સ્ફૂર્તિ સંચાર, ઇશ આભાર તારો.
નિત નવી આશાઓ જાગે;મનુજ કર્મ કરવા લાગે,
સૃષ્ટિ પર કર્યો છે ઉપકાર, ઇશ આભાર તારો.
આયખામાં એકદિન ઉમેરાય; નૂતન સવાર પરખાય,
ક્યાંક પ્રાર્થનાના ઉચ્ચાર, ઇશ આભાર તારો.
આળસ મરડી સૌ કોઈ જાગે; પ્રભાતિયાં મધુર લાગે,
જોમ જીવમાત્રમાં પ્રગટનાર, ઇશ આભાર તારો.