ઈશ્વરે સર્જ્યો છે આનંદનો અવસર

ચિંતાઓ બધી છોડો તો મળશે આનંદ,

ફરિયાદો કરો દૂર તો મળશે આનંદ,

ઈશ્વરે તો સર્જ્યો છે આનંદનો અવસર,

કરો ઝરણા તરફ નજર કેવું વહે છે !

સદા વહેતા રહેવાનું એ કહે છે,

કરો દરિયા તરફ નજર કેવો દુઃખને અવગણે છે !

સદા આપતા રહેવાનું એ માનવીને કહે છે,

કરો વૃક્ષ તરફ નજર કેવા મીઠા ફળો આપે છે,

પથ્થર ફેંકનારને પણ મિત્ર બનાવો એમ એ કહે છે,

કરો સરિતા તરફ નજર કાંટા કાંકરાને કેવી રીતે એ અવગણે છે,

જીવનમાંથી દુઃખોની બાદબાકી કરો એમ એ કહે છે,

કરો સૂરજ તરફ નજર કેવો દુનિયાને ઉજાસ એ આપે છે !

બીજા ખાતર જીવવાનું એ કહે છે,

પ્રકૃતિના કણ કણમાં છે આનંદ,

માનવી ધન દોલતમાં શોધી રહ્યો આનંદ,

ઉદાસી અને આનંદ તો અહેસાસ છે મનનાં,

જાતમાં અંદર ઉતરીને જુઓ તો ભર્યો છે ઈશ્વરે અદ્ભૂત આનંદ.