ઈશારે થૈ વાતો

નથી કોઈ ઓળખ નથી કોઈ નાતો,

છતાં આજ હૈયે હરખ ક્યાં સમાતો, 

મને યાદ આવે, મુલાકાત સૌ એ,

હૃદયમાં સવાલો ! ઈશારે થૈ વાતો, 

રચાયો જ્યાં સંગમ શબદ સાથ સૂરે,

રહ્યો છે સદાયે શબદ સાથ નાતો,

નથી કોઈને કહી એ અઢળક વાતો,

ને દોસ્તીનો રંગ આમ ઘેરો ઘૂંટાતો,

 

જનમો જનમના આ સંબંધ કેવા,

સખી હું વિચારું ને તોય ખૂશ થાતો,

હરેક શ્વાસ ભીના ને સપનાં ય ભીનાં

નિહાળી ઝલક જામ ગીતો ય ગાતો, 

બહારે ને અંદર ઊગે આથમે છે,

આ સૂરજ મજાનો લપાતો છૂપાતો, 

થતાં એકરારે છૂપાતો એ ચંદ્ર,

મિલનથી સદાયે છૂપાઈ મલકતો, 

હૃદય તો વહાવે મધુરા જ ગીતો,

સજન હું બની પ્રેમરંગે હું ગાતો.