હું ક્યાં એકલો છું ?

હું ક્યાં એકલો છું ?

સંગીતની લહેરો સાથે છે, 

સંગીતના અલંકારો સાથે છે, 

સંગીતના આલાપ સાથે છે,

સંગીતના રાગ-રાગીણી સાથે છે, 

હું ક્યાં એકલો છું ? 

તારપુરાનો નાદ સાથે છે, 

સ્વર મંડળનો ગુંજારવ સાથે છે, 

રાગોની બંદિશ સાથે છે 

તબલાનો તાલ સાથે છે, 

હું ક્યાં એકલો છું ? 

રાગોની મીઠાશ સાથે છે, 

રાગોનો રસ સાથે છે, 

રાગોના પ્રકાર સાથે છે, 

રાગોના પ્રહર સાથે છે, 

હું ક્યાં એકલો છું ? 

બંદિશની લય સાથે છે, 

બંદિશની તિહાઈ સાથે છે, 

બંદિશની તાન સાથે છે 

બંદિશનો તરાનો સાથે છે, 

હું ક્યાં એકલો છું ?

રંગ મંચ પણ સાથે છે, 

સંગીત પ્રેમીઓ સાથે છે, 

કળાનું સન્માન સાથે છે, 

તાળીઓની ગૂંજ સાથે છે, 

અંતે એટલું કહેવું છે કે, 

શ્યામની "મુરલી" મારી સાથે છે.