Library
"હું કોણ છું?"
"હું કોણ છું?"
સમય પુરતો આપી ઘરને,
હું તો સાચવતી કેવી !
છતાંય મારી કોઈ કરે અવહેલના,
તોયે અપનાવી લેતી એવી!
‘સ્વ’ને નીરખી ખુદને જ પુછી લેતી,
હું કોણ છું ?
ગમે તે રીતે પોતાને સજાવવા,
શોધી લેતી હું કોઈ પ્રવૃત્તિ !
મેળવતી આનંદ ને વહેંચતી પણ આનંદ,
નિરાશાને દેતી હું નિવૃત્તિ!
‘સ્વ’ને નીરખી ખુદને જ પુછી લેતી,
હું કોણ છું ?
કોઠાસૂઝથી સમસ્યાઓ પાસેથી પણ,
મેળવતી હું ‘ડિસ્કાઉન્ટ’!
મળતી જે પોકેટમની મુજને,
એને તો સતત કરતી હું ‘કાઉન્ટ’
‘સ્વ’ને નીરખી ખુદને જ પુછી લેતી,
હું કોણ છું ?
હું મારો થોડાઘણાં અંશે,
કરી લેતી આંતરિક વિકાસ પણ!
‘ઘર’ તો ભલે ‘સમાજ’ પણ,
ન લે નોંધ એવી મારી ક્ષણ!
‘સ્વ’ને નીરખી ખુદને જ પુછી લેતી
હું કોણ છું ?
સમાધાન કરતાં કરતાં તો મારું,
અડધું જીવન જ થઈ ગયું વ્યતિત !
‘સ્વમાન’ ને કદી ન પહોંચે ઠેસ,
‘સ્વપ્નીલ‘ બની કર્યુ મેં સ્વપ્ન સ્થગિત!
‘સ્વ‘ને નીરખી ખુદને જ પુછી લેતી,
હું કોણ છું ?
હું તો છું,
દયા, પ્રેમ, ક્ષમા, લજ્જાશીલ !
શૌર્ય, દ્ઢતા, બલિદાન, કર્તવ્યશીલ!
ધરતી પર સ્વર્ગ રચનારી કલા !
