હું આવી જ છું
હું આવી જ છું
રોજ જિંદગીથી ડરીને જીવું છું,
આંસુને પણ લોકોથી છૂપાવું છું..
કારણ કે હું આવી જ છું.. !
આજે પણ પોતાના હોય એમની નજીક રહેવા માંગું છું,
તૂટેલા સબંધોને પણ જોડવાં માગું છું..
કારણ કે હું આવી જ છું.. !
આઝાદીની પાંખોને ફેલાવ્યા વગર જીવું છું,
મર્યાદાની માયાજાળને પણ સ્વીકારું છું,
કારણ કે હું આવી જ છું.. !
બધાને ખુશ રાખીને જીવવા માગું છું,
કદાચ એટલે જ આ બધું અપનાવું છું,
કારણ કે હું આવી જ છું.. !
દુ:ખ ને પણ મારા હાસ્યથી છૂપાવું છું,
દુશ્મનને પણ પ્રેમથી આવકારું છું,
કારણ કે હું આવી જ છું.. !
બધાની જરૂરિયાતને હંમેશા સાચવી લઉં છું,
દરેક સંબંધ હૃદયથી નિભાવું છું,
કારણ કે હું આવી જ છું.. !
મારી ઈચ્છા ને મારા સપનાઓને ક્યારેક છોડી દઉં છું,
દરેકની ખુશીનો ખ્યાલ રાખું છું,
કારણ કે હું આવી જ છું.. !
દરરોજ નવાં સંઘર્ષની તૈયારીમાં રહું છું,
જિંદગી સાથે પણ લડવાની શક્તિ રાખું છું,
કારણ કે હું આવી જ છું.. !