હસ્તાક્ષર

તને વાંચતા જ ન આવડતું હોય છતાં હું તારી માટે લખું અને

તું જાણકાર હોય પ્રેમની તો શબ્દો તને સોહામણા જ લાગે ને,

અને માન કે તું વાંચી લે જે કાંઈ આડું-અવળું ચીતર્યું હોય,

તો આંખને અણગમતા વળાંકો પણ તને મોતીના દાણા જ લાગે ને.

આમ ભલેને હોય એ બધાં તારા નજદીકી ભાઈબંધ,

તને અમસ્તાં'ય અડી જાય એ મને તો અળખામણા જ લાગે ને.

આમ મારી નજરથી જોઈએ તો મને લાગે કે એ ઘાયલ કરે, 

અને તને તો આ નેહ-મિલન ઓવારણાં જ લાગે ને.

બીજાને લાગે જે ખાલી કાલી-ઘેલી વાતો, 

તારા સ્વરમાં સાંભળી મને વધામણાં જ લાગે ને.