હળવાશ
હળવાશ
તને જોઉંને જોવાઈ જાય દુનિયા,
તારી આંખના એક જ પલકારે,
પહોંચે મુજ દિલ તુજ દિલમાં,
એ પલકારે અનુભવું દિલમાં એક હળવાશ,
સંબંધ તારો ને મારો છે પરિપૂર્ણ,
ખડકાતા જ્યાં મુશ્કેલીના વાદળો,
શમી જતા વાદળ એક મિલનથી,
એ મિલને અનુભવું દિલમાં એક હળવાશ,
મળે સતત મને તારું માર્ગદર્શન,
કઠિન રસ્તો પણ બનતો આસાન,
મળે બસ એક જ ટેકો જીવનને,
એ ટેકાએ અનુભવું દિલમાં હળવાશ,
કશું નથી જોઈતું હવે વધુ,
સાથે સદા રે 'જે, આપજે સદા સાથ,
તારો સાથ જ બનાવે હળવાફૂલ,
એ સથવારે અનુભવું દિલમાં એક હળવાશ.