હિંદમાતા ચોધાર રડે છે
હિંદમાતા ચોધાર રડે છે
દોસ્ત આજ મારી હિંદમાતા ચોધાર રડે છે
મારા દીકરાઓ અંદરો અંદર કેમ લડે છે ?
નિર્બળ અને નિર્ધનનું જીવન બન્યું નરક
પોતાનાંને આજે પોતાનાં જ કેમ નડે છે ?
આજ માનવ જ માનવનો બન્યો દુશ્મન
આજ માનવ માનવની સામે કેમ પડે છે ?
મારા સંતાનો આજે ભૂખથી મરી રહ્યા છે
તમારા ગોડાઉનમાં અનાજ કેમ સડે છે ?
માનવતા, દયા આજ સાવ મરી પરવારી છે
પૈસા માટે મડદાંની સીડી બનાવી કેમ ચડે છે ?
પોતાનાને જન્મ આપી દુનિયા બતાવી જેણે
એ મા-બાપને લોકો આમ કેમ તરછોડે છે ?
બધાને કરવું છે રાજ આ જગત પર આજ
નાની વાતમાં લડાઈને શસ્ત્રો કેમ બતાડે છે ?
દોસ્ત આજ મારી હિંદમાતા ચોધાર રડે છે
મારા દીકરાઓ અંદરો અંદર કેમ લડે છે ?