હે પ્રભુ
હે પ્રભુ
હે પ્રભુ છે છતાં નથી, છતાં છે તું,
માનવરૂપે ભક્તિ ભાવથી તને શોધું છું હું,
જન્મ ધર્યો મે ધરતી પર કહે જન્મદાતા છે તું,
આ જગમાં સૃષ્ટિ રચીને ક્યાં છૂપાયો છે તું,
મંદિર, મસ્જિદ ને ગુરુદ્વારા જોઈ વળ્યો છું હું,
સાક્ષાતરૂપે ન દેખાયો શું પથ્થરમાં બેઠો તું ?
પર્વત, નદીઓ, જંગલ, ઝાડી ખૂંદી વળ્યો હું,
પક્ષીઓના કલરવમાં જોયું ત્યાંય ન દેખાયો તું,
રે માનવી, હું અત્ર - તત્ર ને સર્વત્ર વ્યાપેલો છું,
ભીતર જઈને ઝાંખ જરા હું તારામાં છૂપાયો છું.