હે પ્રભુ

હે પ્રભુ,

નથી રહી કદર માનવને વરસાદના પાણીની;

માનવને કદર છે, તો પૈસાના પ્રસાદની,

હે પ્રભુ,

થાય છે બેબાકળો માનવ માયામાં;

કરે છે અબોલા સંબંધીઓની યાદોના,

હે પ્રભુ,

નથી રહેતું યાદ માનવને સંબંધને નિભાવવાનું;

રહે છે યાદ દરેકની નિંદા કરવાનું,

હે પ્રભુ,

નથી જોઈ શકતો માનવ સૂમેળ મિલનનો મોકો;

ઝઘડા કરવામાં નથી તારા જેવો બીજો જોટો,

હે પ્રભુ,

થઈ દરેક સંબંધોથી અળગા;

સતાવે છે એને વિયોગના વલખાં,

હે પ્રભુ,

એકલવાયા જીવનમાં મને તું સાચવજે;

'ધરા'ને ફરીથી ઊગવાનો એક મોકો આપજે.