હાથમાં હાથ તારો

ચાહતની મુશ્કેલ રાહમાં છે હાથમાં હાથ તારો,
આપણાં પ્રેમની ઈબાદતમાં છે સદા સાથ તારો !!

ભલે અટવાયું ભાગ્ય જમાનાની ભીડમાં જન્મોથી,
મારા હાથની હસ્તરેખાઓમાં છે સદા વાસ તારો !!

હસીન ચહેરાઓનાં જંગલમાં અનંત યુગોથી,
મારી નજરમાં રહ્યો છે ચહેરો એક ખાસ તારો !!

તારા હાથનો સુંવાળો સ્પર્શ કરે છે આ કેવો જાદુ,
ઉતરી જાય છે તેથી કદાચ, જન્મોનો થાક મારો !!

ઈંતજારની અનેરી હદ હતી ખુલી પાંપણોમાં,
કહો તો તમે, પ્રેમ કરવામાં હતો શુ વાંક મારો !!

મારી અનંત અપેક્ષાઓ ને તારા લંબાયેલા હાથ,
એ હાથમાં જ દેખાયો છે મને હળવો હાશકારો !!

આ 'પરમ' સાથ તારો ને હાથમાં છે હાથ આપણા,
'પાગલ' કરી ગયો મને નસ નસમાં વ્યાપ તારો !!