ગુમ છે !

શબ્દો પણ ગુમ છે !

કેટલાક છૂટા શબ્દો...

કેટલાક ભેગા...

ઝઘડો કરતા એકબીજા સાથે !

હું પહેલો હું પહેલો !

બસ વિચારોમાં ગુમ છું.

એકબીજા સાથે અથડાતા,

શબ્દો પણ ગુમ છે !

વિચારૂં કે...

શબ્દોથી 'મારું ઘર' બનાવું !

પણ અટવાયેલા વિચારોમાં,

'મારું ઘર' પણ ગુમ છે,

લખવા કરૂં પ્રયત્ન..

તો..

રહસ્ય પણ ખૂબ છે !

કથા તો બહુ વાંચી,

રહસ્ય કથા પણ ગુમ છે !

લખતા યાદ આવ્યો પત્ર,

કોને લખું ?

સર્જનહાર પણ ગુમ છે !

કારણ...

એ પણ મૌન છે !

સર્જનહારનું રહસ્ય !

અત્ર પત્ર સર્વત્ર,

શબ્દો પણ ગુમ છે !