ગુજરાત

શૌર્યશીલ ગુજરાત છે આ ગૌરવશીલ ગુજરાત,

ધન્ય આ ધરાની માટી ધન્ય છે આકાશ,

શૌર્યશીલ ગુજરાત છે આ ગૌરવશીલ ગુજરાત.

સાધુ સંતને ભક્ત તણી આ પુણ્યભૂમિ,

બલિદાનીને માતૃભક્તોની કર્મભૂમિ,

શીશ ઝુકાવી કરીયે માત નમન વારંવાર,

શૌર્યશીલ ગુજરાત છે આ ગૌરવશીલ ગુજરાત.

હિન્દૂ મુસ્લિમ શીખ ઈસાઈની ઐક્યભૂમિ,

નદી ઝરણાંને રણપ્રદેશની સુંદરભૂમિ,

સંસ્કૃતિનો અહીં ખજાનો આસ્થાનો ભંડાર,

શૌર્યશીલ ગુજરાત છે આ ગૌરવશીલ ગુજરાત.

ગુણવંતો ઇતિહાસ શૂરવીરોની ભૂમિ,

જ્ઞાનનો સાગર વહેતો આ જ્ઞાનની ભૂમિ,

દેશ વિદેશમાં ચર્ચા તારી તું છે દેશની જાન,

શૌર્યશીલ ગુજરાત છે આ ગૌરવશીલ ગુજરાત.

ગૌરવ છે અમને અમારી ગુર્જરભૂમિ,

માતૃભાષા છે શાન અમારી ગુજરાતી,

એકસાથે સૌ મળીને કરીયે તારો જયજયકાર,

શૌર્યશીલ ગુજરાત છે આ ગૌરવશીલ ગુજરાત.