ગીત એવું કોઈ ગાવાનું મળે

દિલની આખી કિતાબ મે કરી છે તારે નામ,

લખી દઉં તારી પ્રસંશા પાને પાને ખાલી જો કોઈ પાનું મળે !

દિવાનગીની હદ વટાવી લઉં, તારી સાથે એક મુલાકાત કરી લઉં,

જો મુલાકાત માટેનું મજાનું કોઈ બહાનું મળે !

જીવી લેવી છે એક ક્ષણમાં આખી સદી તારી સાથે,

બસ ઈશ્વરનું એવું કોઈ વરદાન મજાનું મળે !

સાચવી લેવી છે કિંમતી ક્ષણોને ઝવેરાતની જેમ,

હૈયે તારે મને કોઈ એવું મજાનું ખાનું મળે !

મે ક્યાં માગ્યા છે હીરા -મોતી ઝવેરાત,

બસ હૈયે તારા મને હંમેશા રહેવાનું મળે !

નથી જોઈતા મને રદિફ, કાફિયા કે છંદો,

બસ થોડા કિંમતી શબ્દોથી ગઝલમાં તને કહેવાનું મળે !

બસ વણ કહે તું સમજી જાય મારા અહેસાસને,

બસ મહેફિલમાં મને ગીત એવું કોઈ ગાવાનું મળે !