ગીત - ધાડ

બોરડીના કાંટાની બળતી બપ્પોર રોજ ખીલે છે મોસમનાં સ્વાંગમાં!

વાંકડિયા કાંટાની વેદનાઓ, પંપાળી પંપાળી કરતી હું મોટી;

ગળતી થઈ વેદનાની ગ્રંથીઓ જ્યારથી ત્યારથી જ જાણે ગલગોટી,

એવું શું ઉમેર્યું તેં ભાંગમાં?

રોજ ખીલે છે મોસમનાં સ્વાંગમાં!

બાવળનો કાંટો તો લિસ્સો ને સીધો કે કાઢવોય લાગે એ સહેલો;

વાંકડિયાં બાલ જોઈ એવી હરખાઈ'તી એને ના આઘો હડસેલ્યો,

કે જાણે પડતી હો ધાડ જાણે કાંગમાં!

બોરડીના કાંટાની બળતી બપ્પોર

રોજ ખીલે છે મોસમનાં સ્વાંગમા!