ઘૂંઘરીયું

નેણમાં કાજળ ને ચોળીએ ઘૂંઘરીયું પહેરી,

પાણી પીતો કરું ભરથારને ચોળી લીલી પહેરી,

વરણાગી બની ઘેલી કરે ને થાય પાછો મા'રો વહાલશેરી

એમને પ્રસરાવ્યો છે પ્રેમ જ્વર દિલનો વહેરી..

~~

સાસુ મારી છે આળસુ ને આમેય પાછી બહેરી,

ખાટલે સૂતો સસરો છે, તે મનનો સાવ લહેરી,

વાસીદું શે' કાઢું, આ ચોળીએ ઘૂંઘરીયું પહેરી ? !

એમને પ્રસરાવ્યો છે પ્રેમ જ્વર દિલનો વહેરી..

~~

જેઠિયાનો ભારે દોરદમામ, બેઠો છે બની પહેરી,

નબળી પણ જબરી જેઠાણી આજ લાગે છે મહેરી,

રોટલા શે' શેકું, આ ચોળીએ ઘૂંઘરીયું પહેરી ? !

એમને પ્રસરાવ્યો છે પ્રેમ જ્વર દિલનો વહેરી..

~~

નણંદી છે નખરાળી પણ કામ વધારે એવી ઠહેરી,

નણંદોઇ છે તો ઘરજમાઈ પણ છે તે રંગીલો શહેરી.

દળણા શે' દળું આ ચોળીએ ઘૂંઘરીયું પહેરી ? !

એમને પ્રસરાવ્યો છે પ્રેમ જ્વર દિલનો વહેરી..

~~

દિયરીયો વદે વરંડે ચોપડિયું પાન મઠેરી,

ગમાણ નકરું છાંણુ કરે ઘરની ગાયું ભાંભેરી,

છાંણા શે' થાપૂ, આ લીલી ચોળીએ ઘૂંઘરીયું પહેરી ? !

એમને પ્રસરાવ્યો છે પ્રેમ જ્વર દિલનો વહેરી..

~~

નેણમાં કાજળ ને ચોળીએ ઘૂંઘરીયું પહેરી,

પાણી પીતો કરું ભરથારને ચોળી લીલી પહેરી,

વરણાગી ઘેલી  કરે ને થાય પાછો મા'રો વહાલશેરી

એમને પ્રસરાવ્યો  છે પ્રેમ જ્વર દિલનો વહેરી...