એકવાર

સ્વર્ગની મજા તો તારે રોજ છે,

એકવાર મા ધરતીની ગોદમાં ઊંઘી તો જો. !

સુખના ડુંગર ખૂંદવા તને રોજ ગમે,

એકવાર દુઃખની ડૂબકી લગાવી તો જો. !

ગમતા પકવાનની મજા તો તારે રોજ છે,

એકવાર ગરીબની ઝૂંપડીમાં ડોકીયું કરી તો જો. !

સ્વપ્નનો સાગર માણવો તને બહુજ ગમે,

એકવાર સાગર ના પાણીને ચાખી તો જો. !

દૂરથી ડુંગર જોવા તને બહુજ ગમે,

એકવાર ડુંગર ચઢી તો જો. !

પારકાને સારી સલાહ આપવી તને બહુજ ગમે,

એકવાર તેજ સલાહને તું પાળી તો જો. !

સ્વાર્થ ઘેલો તું અનેક વૃક્ષનું નિકંદન સહજ કરે,

જિંદગીમાં માત્ર એક વૃક્ષને ઉછેરી તો જો. !

નિત નવા ફોટા-વિડિયો ને લાઈક કરે, શેર કરે,

એકવાર સાચા અર્થમાં મિત્ર ને મદદ કરી તો જો. !

આ શરીરરૂપી ભપકામાં છૂપાયેલ માનવ,

એકવાર સાચા અર્થમાં માનવી બની તો જો..!