એક વાત કરૂ

અરે સંભાળ ઓ તિતલી,

જો તું કહે કે હું કાન ધરું,

 આવ તને એક વાત કરૂ..!

જેમ તું આજ આવીને મળી,

એમજ હું આજ મને મળું,

આવ તને એક વાત કરૂ..!

રંગબેરંગી આ પાંખો છે તારી,

એવા રંગ હું જીવનમાં ભરું,

આવ તને એક વાત કરું..!

મધુરતા તું જેવી ચૂંટે ફૂલોની,

મધુરતા એવી વાણીમાં ધરું,

આવ તને એક વાત કરું..!

ઊંચી ઉડાન ભલે ના તારી,

 આપે શીખ કોઈને ન નડું,

 આવ તને એક વાત કરૂ..!

હું પણ ચાહું આકાશ ખુલ્લું

મુકત બની જ્યા હું ઊડું,

 આવ તને એક વાત કરૂ...!