એક ચિઠ્ઠી

મારા આંગણામાં સવારે 

ઊડતી આવી એક ચિઠ્ઠી,

જોયું તો એ નામ વગરની ચિઠ્ઠી હતી,

કોણ હશે જેણે આવું લખ્યું

વિચારીને ચિઠ્ઠી મૂકી,

એટલામાં એક બાળક આવ્યો

કહે દાદા આપો મારી ચિઠ્ઠી,

ચિઠ્ઠી આપતા પૂછ્યું મેં

કોને લખી છે આ ચિઠ્ઠી,

બાળકની આંખમાં આવ્યા અશ્રૂ

કહે કોઈને નથી લખી,

બસ સમય પસાર કરવા માટે

આ એક ચિઠ્ઠી મેં લખી,

ચિઠ્ઠી લઈને ગયો બાળક

બાળકની માસૂમિયત દેખી,

બીજા દિવસે ખબર પડી મને

બાળકની નથી મમ્મી,

મમ્મીને યાદ કરીને લખે છે ચિઠ્ઠી,

પપ્પા જાય ઓફિસે ત્યારે

લખવા બેસતો એ ચિઠ્ઠી,

દાદા દાદી પાસે રહેતો

મમ્મીનો વ્હાલો હતો,

બાળપણમાં ગુમાવેલી મમ્મીને

યાદ કરીને લખતો ચિઠ્ઠી.