Library
એ દિવસ જરૂર આવશે
એ દિવસ જરૂર આવશે
આંસુઓ, હાસ્યમાં ફેરવાશે,
‘ને, દુ:ખ દર્દ, દૂર થાશે !
ભેટશે લોકો, સગાં સ્નેહીઓને,
‘ને, બે ગજનું, અંતર જાશે !
એ દિવસ જરૂર આવશે !
છૂટશે કારાવાસ ઘરનો,
‘ને, મહોલ્લે ભીડ થાશે !
યૌવન હિલોળે ચડશે,
‘ને, મહેરામણ ઊભરાશે !
એ દિવસ જરૂર આવશે !
ગરબાની, રમઝટ બોલાશે,
‘ને, તાલીએનાં તાલે, નચાશે !
માસ્ક ને સેનિટાઈઝર મૂકી,
‘ને, સોળ શણગારે સજાશે !
એ દિવસ જરૂર આવશે !
શેરીઓ સજશે, દિપકથી,
‘ને, રૂડી રંગોળી દોરાશે !
સામસામે બેસીને, શુભેચ્છા અપાશે,
‘ને, આમ ખરી દિવાળી, ઉજવાશે !
એ દિવસ જરૂર આવશે !
દુનિયા દોડશે, તેજ રફતારથી,
‘ને, રોજગારીની તકો ઊભી થાશે !
કોરોનાનો, સંપૂર્ણ વિનાશ થાશે,
‘ને, પછી સુખચેનથી, જીવાશે !
એ દિવસ જરૂર આવશે !
રસ્તાં ધમધમશે, ટ્રાફિકથી,
‘ને, એમ્બ્યુલન્સની તીણી સાઈરન,ભૂંલાશે !
ડોક્ટરો લેશે, રાહતનો શ્વાસ,
‘ને, હોસ્પિટલો, ખાલી થાશે !
એ દિવસ જરૂર આવશે !
જિંદગી આવશે, રૂમઝુમતી,
‘ને, મોત પોબારા, ગણશે,
જીવીશું આપણે, 'ચાહત'થી,
‘ને, દરેક જીવો, હરખાશે !
એ દિવસ જરૂર આવશે !
