દવાખાનાનાં એ ડોક્ટર

માંદગીના બિછાને પડેલાનો આધાર બસ એક ડોક્ટર;

સૌની આશાઓને ઠારનાર ભગવાન સમો લાગે ડોક્ટર...!

નિરાશાઓ દૂર ભગાડી ચેતનાઓને જગાડે ડોક્ટર;

ભૂખ્યાં રહી ભોજનની વ્યવસ્થા કરાવે ભોળા ડોક્ટર...!

નિદાન જાણી દર્દીઓને ઉપચાર અનેરું આપે ડોક્ટર;

ટાઢ તડકો દિન રાત સતત સેવામાં ગુજારી દેતા ડોક્ટર..!

અશક્ત દર્દીને દવાઓ આપી સાજા કરતાં ડોક્ટર;

માતાનું મમત્વ રાખી હિંમત ધરીને ફરતા જોને ડોક્ટર....!

જન જન સ્વાસ્થ્યની જાગૃતિ ફેલાવી રહેતાં ડોક્ટર;

દવાખાનામાં સારવાર માટે ખડેપગે ઊભાં રહે ડોક્ટર...!

અંધશ્રદ્ધા દૂર કરી સાચું જ્ઞાન વિજ્ઞાનનું બતાવે ડોક્ટર; 

ખુદનાં દુઃખ ભૂલી જઈ જનસેવામાં જીવતાં બસ ડોક્ટર...!

નિઃસ્વાર્થ સેવાના પૂજારી બનતાં 'દવાખાનાનાં એ ડોક્ટર' ;

 પ્રભુનાં દર્શન જેમાં થાતાં એવા વ્હાલાં ભાઈ જેવાં ડોક્ટર....!