દુઃખ

દુઃખ ત્યારે થાય છે જ્યારે આપણાં જ આપણને તરછોડે.

દુઃખ ત્યારે થાય છે જ્યારે આપણને કોઈ ભૂલી જઈ વખોડે.

સુખસાહ્યબી તો જે મળવાની હશે એ આવીને રહેવાની છે,

દુઃખ ત્યારે થાય છે જ્યારે કોઈ કરી અપમાન ને એ વગોવે.

જેના માટે ઘસી નાખી હોય જાત આપણે ત્યાગ કરીને વળી,

દુઃખ ત્યારે થાય છે જ્યારે એ જ અપજશના બાણ મારે.

ઉપકાર કરી કરીને માનવતા જેના માટે આપણે દેખાડી હોય,

દુઃખ ત્યારે થાય છે જ્યારે એ જ સામે આવીને ઊભા રહે.

હોય ગરીબી ભરડો લેતી માંડમાંડ બે ટંક પેટપૂરતું પામીએ,

દુઃખ ત્યારે થાય છે જ્યારે કોઈ વસમાં વેણ સમે ઉચ્ચારે.