દોસ્તીનો દસ્તાવેજ
દોસ્તીનો દસ્તાવેજ
નિઃસ્વાર્થતાનો સત્યતમ્ પર્યાય છે દોસ્તીનો દસ્તાવેજ,
જીવનના અવરોધોનો ઉપાય છે દોસ્તીનો દસ્તાવેજ,
ગમગીન હૃદય પર સ્મિતની નહેરને સજોડીને,
એક મીઠા હેતના ઝરણામાં જોવાય છે દોસ્તીનો દસ્તાવેજ,
મારા તારાનો મતભેદ જોવા ન મળે ક્યારેય,
બસ એક શુદ્ધ ગંગાજળ રૂપે શોભાય છે દોસ્તીનો દસ્તાવેજ,
એના મુસ્કાનથી મઘમઘતો રહે જીવનનો બાગ,
પરસ્પરના એ શુદ્ધ ભાવથી તોલાય છે દોસ્તીનો દસ્તાવેજ,
બંધ આંખે પણ અદકેરો વિશ્વાસ મૂકી શકાય,
એવી ઈશ્વરીય તાકાત જેવો મહેકાય છે દોસ્તીનો દસ્તાવેજ.