દિલની વ્યથા

આજે એક ફૂલને બીજા ફૂલ સાથે લડતા મેં જોયું છે,

માળી સરીખું દિલ મારું આ જોઈ ખૂબ રોયું છે...!

કચાશ ક્યાં રહી માવજતમાં મારી ?

કારણ શોધવા મન ખૂબ ઢંઢોળ્યું છે...!

માળી સરીખું દિલ મારું આ જોઈ ખૂબ રોયું છે...!

સિંચન હતું પ્રેમનું, લાગણીનું ખાતર પણ સપ્રમાણ હતું,

કંટકોને દૂર કરવાનું જતન પણ સરખું જ કર્યું છે...!

માળી સરીખું દિલ મારું આ જોઈ ખૂબ રોયું છે...!

તડકો અને છાંયો બેયના ભાગે સરખો જ હતો,

કદાચ બદલાતા જમાનાની હવામાં એક ફૂલ બાગથી વિખૂટું પડયું છે...!

માળી સરીખું દિલ મારું આ જોઈ ખૂબ રોયું છે....!

"યાદો"ની ક્યારીમાં પલ-પલ જતન કર્યું હતું,

છતાં એક ફૂલ ક્યારીથી વિખૂટું થયું છે...!

માળી સરીખું દિલ મારું આ જોઈ ખૂબ રોયું છે...!