દિલના સિંહાસન પર સ્થપાયું તારું સામ્રાજ્ય
દિલના સિંહાસન પર સ્થપાયું તારું સામ્રાજ્ય
તમારી કરી લીધી મે સંગત,
મારી દુનિયા બદલાઈ ગઈ,
બન્યા તમે જ્યારથી મારા અંગત
મારી દુનિયા બદલાઈ ગઈ,
દિલના સિંહાસન પર સ્થપાયું તમારું સામ્રાજ્ય,
અને આ દિલનું શહેર આબાદ થઈ ગયું,
શૂન્ય હતી હું એકડો થઈ આવ્યા તમે,
તમારી સાથે જોડાઈ મારી કિંમત વધી ગઈ,
જો ને મારી દુનિયા બદલાઈ ગઈ,
બહુ મુશ્કેલ હતી જીવનની આ રમત
તમે આવ્યા ને જો ને આ જીવનની રમત જીતાઈ ગઈ,
જો ને મારી દુનિયા બદલાઈ ગઈ,
હતો થોડો અમથો લગાવ આ જીવન પ્રત્યે,
પણ તમે આવ્યા ને મારી નિયત બદલાઈ ગઈ,
મારી દુનિયા જ બદલાઈ ગઈ,
કાચ મટી હું કંચન બની ગઈ,
પથ્થર મટી હું મૂરત બની ગઈ,
તમારી સોબતની જો ને આ કેવી અસર થઈ ગઈ,
જુઓ ને મારી આખી દુનિયા બદલાઈ ગઈ.