દીવાદાંડી

દેખ દૂર પેલો ઘૂઘવતો સાગર,

એથી દૂર ઊભેલી પેલી દીવાદાંડી,

સદીઓથી અડીખમ એની એ જ જગ્યાએ, 

જાણે કે અવધૂતની કોઈ સાધના ! 

સાગરે ગયેલ સાગરખેડુ કાજે,

જાણે કે અનુભવી પથદર્શક,

લોક સર્વે જુએ દીવાદાંડી,

જોઈને પણ ન જોઈ કરે જાણી,

પથદર્શક બનો, પથદર્શક બનો, 

કોઈના તો પથદર્શક બનો, 

સદીઓથી માનવજાતને કહેતી રહી,

સાંભળીને પણ ન સાંભળી કરે જાણી,

કંઈ ન કરીએ તો કંઈ નહીં 'મનોજ',

કોઈકના પથદર્શક બની જાણીએ,

માર્ગ ભૂલેલાનો માર્ગ બની જાણીએ,

જીવનને દીવાદાંડી કરી જાણીએ,

આશાહીન માટે આશાવંત બની જાણીએ, 

જીવનને દીવાદાંડી કરી જાણીએ.