ધૂન
ધૂન
બહાવરી બની રાધા ભમે કુંજ કુંજમાં,
ધૂન લાગી શ્યામની, શોધે રાધા ઉપવનમાં.
વૃંદા તે વનની વાટમાં ધૂન લાગી,
મીઠી મોરલીના નાદની ધૂન લાગી.
શ્યામ ના દર્શનની ધૂન લાગી,
શ્યામ ના ચરણોની ધૂન લાગી.
સૂના સૂના આજ ગોપીને ગોવાળો છે,
ક્યાં સંતાયો શ્યામ આજ, ધૂની બની ફરે છે.
ધૂન લાગી એવી શ્યામની કે ગોકુળમાં ગમતુ નથી,
સૂની સૂની લાગે આજ ગોકુળની હર ગલી ગલી.
ગોકુળ નો ગોરસ પણ આજે પૂછે છે???
રાધાની ભાવનાનો આધાર આજે ક્યાં છે???