દેખાય છે

​​

​​

જે અહીં પળ વારમાં ​ દેખાય છે,

​એ પછી દૂર ભાગતા ​ દેખાય છે,

​ખુદના પણ તો પારકાં ​દેખાય છે,

"જેટલી અહીં ધારણા દેખાય છે,

એટલી ક્યાં શક્યતા દેખાય છે."

​રોજ તો તારા જ રૂપ ને ​ જોઉં ને,

​ભાન ભૂલી આજ મુજને ​જોઉં ને,

વાતમાં મારી હું તુજને જોઉં ને,

"આયનો આપો તો ખુદને જોઉં ને,

કાચમાં બીજા બધા દેખાય છે."

​​છે રહસ્યો બે'ક ગૂઢ, ના કહી શકું,

​કેટલી રહી હોય સુધ, ​ના કહી શકું,

​છેક બોલીને તો હું જ, ​ના કહી શકું,

"એમનું ચોક્કસ સ્વરૂપ​,​ ના કહી શકું,

દરવખત એ તો નવા દેખાય છે."

છે હવાનો સ્હેજ તુક્કો તે છતાં,

રોજનો તો થાય ભડકો તે છતાં,​​

અંદરોઅંદર જ સળગો તે છતાં,

"પારદર્શક હોય ફુગ્ગો તે છતાં,

ક્યાં આ ભીતરની હવા દેખાય છે."

​આરતી​માં ડોકિયું જયારે કરું,

​બંદગી​માં ડોકિયું જયારે કરું,

માનવીમાં ડોકિયું જયારે કરું,

"જિંદગીમાં ડોકિયું જયારે કરું,

તો મને તો બસ મઝા દેખાય છે."

શ્રી કિરણસિંહ ચૌહાણની ગઝલ પરથી તઝમીન