છોકરાં દોડ્યાં જાય છે
છોકરાં દોડ્યાં જાય છે
જુઓ તો ખરા,
પેલાં છોકરાં દોડ્યાં જાય છે,
શાળા ભણી, એ
કેમ દોડ્યાં જાય છે ?
નિશાળે ભણવા,
હરખથી દોડ્યાં દોડ્યાં જાય છે,
દફતર ખભે નાખીને,
જોરશોરથી ભણવા દોડ્યાં જાય છે,
ચહેરા પર સ્મિત ને,
પગમાં ભર્યાં જોમ છે,
શોરબકોર કરતાં,
શાળાએ પહોંચવાનો તરવરાટ છે,
મિત્રોને શિક્ષકોને મળવાનો,
વિરહ ઘણો અધીરો છે,
સૂના પડેલાં વૃક્ષો- ફૂલ છોડને મળવા,
અંતર મનથી અનેરો ઉલ્લાસ છે,
જુઓ તો ખરા,
પેલાં છોકરાં દોડ્યાં જાય છે,
કેવા હરખથી,
શાળાએ કેવાં દોડ્યાં દોડ્યાં જાય છે.!