ચહેરાની અસર
ચહેરાની અસર
તમારા ચહેરાની સુંદરતાએ, રાતને દિવસ બનાવી દીધો,
તમારા ચમકતા ચહેરાએ, ચંન્દ્રને નિસ્તેજ બનાવી દીધો,
તમારી પાંપણોના પલકારાએ, પવનને વહેતો થંભવી દીધો,
તમારી તિરછી નજરે મુજને, દિલથી ઘાયલ બનાવી દીધો,
તમારી છેલ છબીલી અદાએ, માર્ગમાં હંગામો મચાવી દીધો,
નભમાંથી સૂરજે ડોકિયું કરતાં, તેને ખડખડાટ હસાવી દીધો,
તમારી શ્વાસોની સરગમએ મુજને, તન મનથી લહેરાવી દીધો,
તમારા યૌવનની અંગડાઈએ મુજને, પ્રેમ દિવાનો બનાવી દીધો,
તમારા અધરોના મધુર શબ્દોએ, મુજને શાયર બનાવી દીધો,
તમારી ગઝલ લખવા "મુરલી", મારી કલમમાં પ્રાણ પૂરી દીધો.