છે કિનારા બે જુદા

છે કિનારા બે જુદા….

ગઝલ છંદ વિધાન–
ગાલગાગા ગાલગાગા ગાલગાગા ગાલગા

ધર્મ  મારો  ,ધર્મ તારો , છે કિનારા  બે જુદા
જલ વહાવે એક બંને , સત્ય   એ  સાચું બધે

વાત  મારી  વાત  તારી, રોજ    હું  રટતો રહું
જો અમારી વાતથી  ડગ, જગ રમે ન્યારું બધે

રંગ   ખીલી   સાંજ વ્યોમે , આવકારે  રાતને 
જાણતી  એ ,  ભોર   થાયે મંગલા પ્યારું બધે

દૂર વ્યોમે સૂર્ય જલતો, તપત સાગર આ ધરા
મેઘ  જ્યારે  નાચશે , લીલી  ધરા  ચારું  બધે

સાત  સાગર , સાત ખંડો, રોજ નોંખા પાડતો
જો વિચરું વ્યોમે હું, છે મારી ધરા ચીતરું બધે

ગોખમાં  'દીપ'  જલતો  ને અશ્રુ પશ્ચાતાપના
તેજમાં  શ્રધ્ધા  ભળે  તો સંગ તવ ભાળું બધે

રમેશ પટેલ(આકાશદીપ)