ચાલને દરિયો ડહોળી લઈએ

અંધકાર ભરેલી રાત્રિ જેવા જીવનમાં,

જાતને દીપક બનાવી ઝળહળી લઈએ,

દુનિયાના સર્જનહાર ને ઓળખવા ચાલો,

આપણે આપણી જાતને મળી લઈએ,

આ તારું ને આ મારું એવો જુદારો શા માટે ?

ચાલોને આપણે એકબીજામાં ભળી જઈએ,

જેમ તેમ જીવી નાખવા જેવું નથી આ જીવન,

અમૂલ્ય મોતી મેળવવા ચાલો જીવનનો દરિયો ડહોળી લઈએ,

ઓછું ના આંક મૂલ્ય તારું, પરમાત્માનો અંશ છે તું,

બસ જીવનને સાર્થક કરવા ચાલ જાતને ઢંઢોળી લઈએ.