બોલ હવે કેમ ...

ભલે વરસ્યો તુ ધોધમાર,

આ વરસાદમાં દેહ ભીંજાયો,

મન રહ્યું કોરું,

બોલ હવે કેમ પલળવું !

ભલે ચાલ્યો તું હંમેશા સાથ,

આ રસ્તામાં હાથ મળ્યાં,

હદય રહ્યું છેટું,

બોલ હવે કેમ ચાલવું !

ભલે રહ્યો તું દિલમાં હંમેશ,

આ રમતમાં લાગણી રહી,

પ્રેમ રહ્યો બાકી,

બોલ હવે કેમ રહેવું !

ભલે તરસ્યો તું સદનતર,

આ પ્યાલામાં વિષ રહ્યુ,

અમૃત રહ્યું બાકી,

બોલ હવે કેમ જીવવું !

ભલે પ્રેમ કર્યો તે હરપળ,

આ જીવનમાં તું મળ્યો,

હું રહી બાકી

બોલ હવે કેમ મળવું !