બીજું શું ?
બીજું શું ?
બળતા રહીશું અમે તો તમારા ઉપર બીજું શું ?
જો તમને ઠંડી લાગે તો તાપણી કરી લેજો બીજું શું ?
'આવજો' આવું ઘડી ઘડી તો નહીં કહેવાય,
જ્યારે આવવાનું મન થાય આવી જજો બીજું શું ?
ફાવે તો ફવડાવી લેજો અને જો ન ફાવે તો,
એક ફોન કરી વાત કરી લેજો બીજું શું ?
અંહી તો કડવું બોલવું પણ થશે,
વધારે લાગે તો ગોળ ખાઈ લેજો બીજું શું ?
પ્રેમની વાતો પણ કરું છું ને તમને પણ શીખવાડીશ,
ન ફાવે તો ના કરતાં, બીજી વાતો કરી લઈશું બીજું શું ?
ચા પીવી હોય તો વહેલા આવી જજો, ઠંડી થઇ જશે પછી તો શું ?
ગરમ કરીને પીવડાવી દઈશ બીજું શું ?
લખી પણ લઉં છું થોડું ઘણું કવિતા જેવું,
તમને સંભળાવી દઈશ, તમે બીજાને સંભળાવ જો બીજું શું ?
થોડો ઘણો બીમાર પણ રહુ છું,
મારી સંભાળ પણ લેજો, સાજો થઈ જઈશ પછી બીજું શું ?
તમે ગેરહાજર ન રહેતા ને હું પણ નહીં રહું,
ને જો રહું, તો ગેરહાજરીમાં હાજરી પુરાવજો બીજું શું ?
ઘણા પ્રશ્નો થશે તો આપ લે કરજો,
ન મળે જવાબ તો દૂર ના થતા બીજું શું ?
બાય બાય કરવાનું તો મન નહીં થાય,
જ્યારે જવાનું થાય ત્યારે કહીને જજો બીજું શું ?