ભૂલ થઈ ગઈ

મારી ભૂલ થઈ ગઈ

કહી ને માફી માગતી રહી

સ્વમાન મારું કચડી

સંબંધોને બચાવતી રહી

શોખ અને સપનાઓને હૈયે દફનાવી

પરિવારની ચિંતા કરતી ગઈ

જાતને ભસ્મ કરી દરેકના

જીવનમાં ઉજાસ કરતી ગઈ

જીવનની દરેક પળ પરિવાર પાછળ ખર્ચતી ગઈ

સુખોનો ઢગ કરી ઉદાસી ઓગાળતી ગઈ

ભીતરથી ખાલી થતી ગઈ

બહારથી મજબૂત થતી ગઈ

સંબંધોને બચાવવા જાત મારી

દાવ પર લગાવતી ગઈ

હૈયે ભડકતી આગની જ્વાળાઓને

આંસુઓથી ઠારતી રહી

આમ રોજરોજ મારી જાતને મારતી રહી